Pra heta ministr zamiežnych spraŭ Biełarusi Uładzimir Makiej zajaviŭ u intervju češskaj haziecie «Lidovie naviny», jakoje drukuje sajt MZS.
«Vy kažacie: «apošni dyktatar Jeŭropy», — zaznačyŭ Makiej. — Stvarajecca ŭražańnie, što ŭsio tut skačuć pad adnu dudku, z ranicy da viečara chodziać strojem, maršyrujuć. Što ŭsie tut hladziać i zapisvajuć, što treba zrabić, vykanać i hetak dalej. Zusim nie. Absalutna. U nas idzie narmalny pracoŭny praces.
Ja chaču skazać, što prezident nie tolki dapuskaje alternatyŭny punkt hledžańnia, jon patrabuje, kab byŭ hety inšy punkt hledžańnia.
I na majoj pamiaci było mnoha narad, jakija admianialisia tolki z-za taho, što nie było alternatyŭnaha punktu hledžańnia dla pryniaćcia rašeńnia. I prezident, darečy, vielmi časta ŭsprymaŭ inšy punkt hledžańnia, jaki arhumientavana dakładvajuć jamu. Ale, kali pa vynikach taho ci inšaha mierapryjemstva, narady prymajecca rašeńnie, to jano pavinna vykonvacca biezumoŭna, bieśpiarečna. Heta i robicca».
