Biełaruskaja čyhunka adnaviła prodaž biletaŭ na niekatoryja ciahniki ŭ znosinach z Ukrainaj.
Heta datyčycca sastavaŭ biełaruskaha farmiravańnia №86 Minsk — Kijeŭ, №94 Minsk — Adesa, №101/102 Minsk — Varna — Minsk, №330 Baranavičy — Žytomir, №371 Mahiloŭ - Čarnaŭcy, №856 Homiel — Ščors, №854 Homiel — Čarnihaŭ.
Prodaž biletaŭ na hetyja ciahniki adnaŭlajecca zhodna z paviedamleńniem Dziaržaŭnaj administracyi čyhunačnaha transpartu Ukrainy ab uzhadnieńni raskładu i pamieraŭ ruchu pasažyrskich ciahnikoŭ u hrafiku na 2014/2015 hady.
Pravodzicca rabota pa adnaŭleńni prodažu prajaznych dakumientaŭ i na inšyja pajazdy Biełaruskaj čyhunki ŭ znosinach z Ukrainaj i na tyja, što pieramiaščajucca praź jaje tranzitam. U suviazi z hetym u pres-słužbie BČ paprasili sačyć za infarmacyjaj na sajcie BČ, a taksama na infastendach i kasach čyhunačnych vakzałaŭ.
