Hrodzienskija ŭłady zabaranili kancert z nahody prezientacyi novaha alboma Pet Nihil, jaki mieŭsia prajści 11 maja pry ŭdziele hurtoŭ Re1ikt i Sciana.
Vialiki kancert z nahody vychadu alboma «Spit» płanavałasia pravieści 11 maja ŭ Moładzievym centry Harodni. Hetaja kamanda — znakavaja na biełaruskaj pank/chardkor scenie, letaś muzyki viarnulisia z novym materyjałam paśla vaśmihadovaha maŭčańnia. Na prezientacyju paklikali vystupić kalehaŭ ź Miensku Re1ikt i bieraściejcaŭ z Sciana.
Ale kancert byŭ zabaronieny miascovym upraŭleńniem ideałahičnaj raboty, kultury i pa spravach moładzi. Jak stała viadoma «Tuzinu», ideołajaham pryjšłasia nie daspadoby vokładka albomu «Spit», jakaja i dała padstavu zinavacić hurt u ekstremiźmie, u tym liku ŭ suviazi z padziejami va Ukrainie.
Hurt byŭ vymušany zajavić svaim prychilnikam ab pieranosie mierapryjemstva na niapeŭny termin.
