U ramkach akcyi, prymierkavanaj da Dnia Pieramohi, časopis «ARCHE» prapanuje nabyć pa značna źnižanych cenach kamplekt z čatyroch vydańniaŭ, u jakich u toj ci inšaj stupieni zakranajucca pytańni Druhoj suśvietnaj vajny na terytoryi Biełarusi i jaje nastupstvaŭ.
U kamplekt uvachodziać nastupnyja vydańni:
1) № 3 «ARCHE» za 2013 hod («Achviary i katy»; ahulny abjom 344 staronki).
U numary pradstaŭlenyja šmatlikija dakumientalnyja materyjały i daśledavańni pra Druhuju suśvietnuju vajnu aŭtaraŭ ź Biełarusi, Polščy, krain Zachodniaj Jeŭropy.
2) Mark Bartuška. «Partyzanskaja vajna ŭ Biełarusi ŭ 1941—1944 hh.» (ahulny abjom 194 staronki).
U knizie niamieckaha historyka dajecca ahlad dziejnaści roznych partyzanskich farmavańniaŭ na terytoryi akupavanaj Biełarusi ŭ 1941—1944 hh. Hieahrafičnyja miežy, jakija byli abranyja dla hetaj pracy, praktyčna achoplivajuć terytoryju sučasnaj Biełarusi, ale pry hetym razhladajucca taksama padziei ŭ rehijonie vakoł Vilni i na ziemlach, jakija ŭ 1939 h. uvajšli ŭ skład SSSR, adnak paśla 1945 h. byli znoŭ pieradadzienyja Polščy.
3) Jan Šumski. «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» (ahulny abjom 326 staronak).
U knizie pakazanyja pieramieny, jakija adbyvalisia ŭ 1944—1953 hh. u žyćci i śviadomaści žycharoŭ zachodnich abłaściej BSSR, jakija pierad Druhoj suśvietnaj vajnoj uvachodzili ŭ skład Polščy. Na staronkach vydańnia pradstaŭlena daśledavańnie nacyjanalnaha, kadravaha, kulturna-aśvietnickaha i prapahandyscka-infarmacyjnaha aśpiektaŭ pracesu savietyzacyi na akreślenych terytoryjach.
4) № 5»ARCHE» za 2012 hod («Humanitarny ahlad-III»; ahulny abjom 283 staronki).
Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Aleś Smalančuk, Alaksandr Paškievič, Dźmitryj Vićko, Andrej Katlarčuk, Jaŭhien Razienbłat i inšyja.
Pra źmiest numaroŭ i toje, jak ich zamović — čyytajcie tut.
