Kancert Łondanskaha simfaničnaha arkiestra, jakim pavinien byŭ kiravać rasijski dyryžor Valeryj Hierhijeŭ 12 maja u brytanskaj stalicy, byŭ sarvany.
Pryčyna — podpis muzykanta pad kalektyŭnym listom Uładzimiru Pucinu ŭ padtrymku niezakonnaj akupacyi ŭkrainskaha paŭvostrava Krym rasijskimi vojskami.
Kancert mieŭsia adbycca na Trafalharskaj płoščy ŭ Łondanie, dla čaho tut navat byŭ pabudavany śpiecyjalny navies. Na mierapryjemstva sabrałasia kala 10 tysiač hledačoŭ. Adnak pierad samym pačatkam ustupnaj simfonii pierad scenaj źjavilisia prykładna 50 čałaviek z ukrainskimi ściahami i płakatami, na jakich było napisana «Hierhijeŭ padtrymlivaje vajnu va Ukrainie». Pratestoŭcy pačali skandavać słova «Hańba!», jakoje raznosiłasia pa ŭsioj Trafalharskaj płoščy.
