Videa sa śpirytyčnaha sieansu skałychnuła Interniet. U kadry — dziaŭčyna, jakuju pryjšłosia pryšpilić da miedycynskich nasiłak, bo jana rykaje, vyhinajecca i nie svaim hołasam kaža niešta niezrazumiełaje.
Źniešnie ŭsio vyhladaje tak, byccam hetaja dziaŭčyna pakutuje na psichičnaje zachvorvańnie. Na samaj ža spravie, pa śviedčańniach vidavočcaŭ, dziaŭčynu pryvieźli ŭ špital ŭ takim stanie paśla taho, jak jana razam z bratami zładziła śpirytyčny sieans.
Alaksandra Uerta žyvie ŭ Mieksicy i joj usiaho 22 hady, a jaje bratu Sierchia 23. U sieansie ŭdzielničaŭ jašče i 18-hadovy stryječny brat Alaksandry Fiernanda Kuevas. Maładyja ludzi zachacieli vyklikać duchaŭ. Dla hetaha jany vykarystali śpiecyjalnuju došku. Praz usiaho niekalki chvilin paśla zaviaršeńnia mistyčnaj pracedury chłopcy ŭžo telefanavali ŭ chutkuju dapamohu.
Jak paviedamlaje Daily Star, u maładych ludziej niby ŭsialilisia demany, pakolki ŭsie troje raŭli, śmiajalisia i kidalisia z boku ŭ bok. Pry hetym u ich ŭźnikali muskulnyja spazmy i halucynacyi.
Dziaŭčyna sprabavała paranić siabie, tamu jaje pryviazali da nasiłak. Kali paciarpiełuju spytali, što vyklikaje ŭ jaje taki žudasny śmiech, jana adkazała: «My chutka pamrem». Lekary sprabavali jaje supakoić, skazaŭšy, što jana chutka papravicca, bo rodnyja chvalujucca za jaje. Alaksandra dadała, što jany taksama chutka pamruć.
