U Minsku va ŭzroście 70 hadoŭ pamior deputat Apazicyi BNF u Viarchoŭnym Saviecie 12-ha sklikańnia Barys Hiunter.
Barys Hiunter naradziŭsia 2 vieraśnia 1943 hoda. U Viarchoŭny Saviet 12-ha sklikańja byŭ abrany ad Homielskaj-Sielmašaŭskaj akruhi. Ź pieršaha dnia ŭtvareńnia Apazicyi BNF byŭ jaje aktyŭnym siabram. Byŭ siabram cienievaha kabinieta Apazicyi BNF.
Byŭ sakratarom Kamisii VS u pytańniach pracy, cenaŭ, zaniataści i sacyjalnaj abarony nasielnictva. Uvachodziŭ u skład Časovaj kamisii VS pa acency dziejnaści słužbovych asobaŭ u suviazi ź likvidacyjaj nastupstvaŭ avaryi na Čarnobylskaj AES.
U studzieni 1991 hoda ŭ składzie delehacyi Apazicyi BNF byŭ u Vilni, kali tudy byli ŭviedzienyja savieckija vojski z metaj padavić imknieńnie litoŭcaŭ da Niezaležnaści. Uznaharodžany miedalom Litoŭskaj Respubliki «Pamiaci 13 studzienia».
Barys Hiunter byŭ adnym z aŭtaraŭ pakieta dakumientaŭ, jakija lahli ŭ padmurak pryniatych 25 žniŭnia 1991 hoda rašeńniaŭ ab abviaščeńni niezaležnaści Biełarusi. Udzielnik haładoŭki deputataŭ 11-12 krasavika 1995 hoda.
Paśla skančeńnia deputackich paŭnamoctvaŭ peŭny čas pracavaŭ u pravaabarončym centry «Viasna».
Raźvitańnie z Barysam Hiunteram adbudziecca ŭ rytualnaj zali na Siamaška (špital № 9) u subotu ab z 13.00 pa 14.00.
