Terytoryju Ukrainy pakinuli 184 hruzaviki. Rasiejcy hruziać tudy vajskovaje abstalavańnie z ukrainskich zavodaŭ.
Pra heta padčas bryfinhu ŭ subotu paviedamiŭ pradstaŭnik Infacentru Rady nacyjanalnaj biaśpieki i abarony Ukrainy Andrej Łysienka.
«Pa stanie na 13 hadzin suboty z terytoryi Ukrainy vyjechali ŭžo 184 hruzaviki», - paviedamiŭ Łysienka.
Jon dadaŭ, što ŭkrainskich pradstaŭnikoŭ da ahladu hetaha hruzu nie dapuskajuć.
Razam z tym, jon adznačyŭ, što nieviadoma, kolki mienavita hruzavikoŭ z Rasii ŭjechała va Ukrainu i kolki da hetaha času zastajucca na jaje terytoryi.
Akramia taho,
pa słovach Łysienki, u hruzavyja aŭtamabili, jakija zajšli na terytoryju pad vyhladam humanitarnaha kanvoju, rasiejcy zahružajuć abstalavańnie vytvorčaha abjadnańnia «Tapaz», jakoje vyrablaje sučasnyja radyjołakacyjnyja stancyi typu «Kalčuha» i abstalavańnie Łuhanskaha zavoda, dzie vyrablajucca patrony dla strałkovaj zbroi.
Łysienka adznačyŭ, što pakul niama infarmacyi ab tym, što mienavita było ŭvieziena na terytoryju Ukrainy ŭ rasijskich hruzavikach.
Jak viadoma, rasijskaja kałona hruzavikoŭ z tak zvanaj «humanitarnaj dapamohaj» ŭ piatnicu ŭvarvałasia biez zhody Ukrainy ŭ Łuhanskuju vobłaść.
ES i NATA ŭžo asudzili heta ŭvarvańnie i zaklikali RF vyvieści svaje hruzaviki z Ukrainy.
Dziaržpahransłužba zajaviła, što miažu Ukrainy pierasiekli 145 rasijskaj hruzavikoŭ.
Pavodle paviedamleńnia ŭkrainskaj ułady, kali kałona pierasiakała miažu, ukrainskich mytnikaŭ zabłakavali na rasijskim punkcie propusku. I takim čynam im udałosia ahledzieć tolki 34 z 262 hruzavikoŭ.
Zatoje Rasieja zajaŭlała, što ŭ piatnicu va Ukrainu nakiravalisia 280 mašyn «humanitarnaha kanvoju».
