Nacyjanalny bank Biełarusi ź vieraśnia adnaŭlaje ŭ poŭnym abjomie apieracyi pa realizacyi hramadzianam i jurydyčnym asobam atestavanych bryljantaŭ i zvarotnym vykupie praz svaje strukturnyja padraździaleńni.
Ab hetym paviedamili va ŭpraŭleńni infarmacyi i hramadskich suviaziej Nacbanka.
Rabota pa vykupie raniej realizavanych Nacyjanalnym bankam bryljantaŭ była časova prypyniena z kastryčnika 2012 hoda ŭ suviazi sa źmianieńniem struktury Nacbanka i nieabchodnaściu pryviadzieńnia ŭ adpaviednaść šeraha narmatyŭnych pravavych aktaŭ. Pry hetym atestavanyja bryljanty pradavalisia, ale ŭ asnoŭnym u miežach astatkaŭ, isnujučych u kasach strukturnych padraździaleńniaŭ Nacyjanalnaha banka.
Infarmacyja ab asartymiencie atestavanych bryljantaŭ, ich košcie i punktach prodažaŭ raźmiaščajecca na aficyjnym sajcie Nacbanka ŭ raździele «Ceny na atestavanyja bryljanty».