Piaćciu maładymi ihrakami papoŭniŭsia skład handbolnaha kłuba SKA (Minsk). Ab hetym kiraŭnictva armiejskaj družyny paviedamiła na kłubnaj prezientacyi pierad startam siezona 2014/2015, jakaja prajšła ŭ Zale alimpijskaj słavy štab-kvatery Nacyjanalnaha alimpijskaha kamiteta (NAK) Biełarusi.
Navičkoŭ kamandy Arcioma Karalka, Antona Baroŭskaha, Andreja Kalaroviča, Viačasłava Bochana i Alaksieja Šynkiela pradstaviŭ namieśnik dyrektara SKA Andrej Krajnoŭ, paśla čaho jon uručyŭ handbalistam kłubnyja majki.
Namieśnik staršyni Minharvykankama Andrej Damaracki, jaki prysutničaŭ na mierapryjemstvie, adznačyŭ, što kamanda ŭ novym siezonie abaviazana prahresiravać i stavić pierad saboj vysokija mety: «U ciapierašnich ihrakoŭ SKA pierad vačyma vydatny prykład dla pierajmańnia ź minułych pakaleńniaŭ. Siońnia biełaruski handboł na ŭzdymie. Našy nacyjanalnyja zbornyja roznych uzrostaŭ prabivajucca i pradstaŭlajuć Biełaruś na top-turnirach. Vielmi važna nie źnižać płanku i nie spyniacca ŭ raźvićci. Spadziajusia, vychavancy Spartaka Miranoviča z SKA dapamohuć zbornaj Biełarusi zrabić jašče adzin krok napierad», — skazaŭ vice-mer biełaruskaj stalicy. Słovy na darohu pierad startam u čempijanacie ŭ adras handbalistaŭ i trenierskaha štaba prahučali ad namieśnika ministra abarony Michaiła Puzikava.
Nastaŭnik armiejcaŭ Spartak Miranovič va ŭračystaj abstanoŭcy pieradaŭ uznaharodu Mižnarodnaha alimpijskaha kamiteta «Sport — škoła žyćcia» dla pradstaŭleńnia jaje ŭ muziejnaj ekspazicyi NAK Biełarusi, jakaja demanstruje raźvićcio alimpijskaha ruchu ŭ krainie. Hałkipier SKA i zbornaj Biełarusi Ivan Mackievič uziaŭ prykład z nastaŭnika i pieradaŭ u muziej Kubak vykliku, jaki minčanie vyjhrali ŭ 2013 hodzie.
Handbolny kłub SKA (Minsk) zasnavany ŭ 1976 hodzie i źjaŭlajecca samym tytułavanym handbolnym kłubam Biełarusi. U 1980-ja hady XX stahodździa armiejcy ŭvachodzili ŭ lik macniejšych kamand SSSR i Jeŭropy. U suvierennaj historyi Biełarusi SKA stanaviŭsia 10-razovym čempijonam krainy (1993, 1994, 1995, 1996, 1997, 1998, 1999, 2000, 2001, 2002), siamirazovym siarebranym (2004, 2005, 2006, 2007, 2008, 2013, 2014) i bronzavym (2009) pryzioram nacyjanalnaha pieršynstva. Minčanie vyjhravali Kubak vykliku JEHF (2013), stanavilisia šmatrazovymi ŭładalnikami Kubka Bałtyjskaj lihi.
