Sioleta ŭ Biełarusi budzie stvorany infarmacyjny centr pa atamnaj enierhii, paviedamiŭ na pres-kanfierencyi 8 vieraśnia ŭ Minsku dyrektar Respublikanskaha centra inavacyjnaj i techničnaj tvorčaści (RCITT) Siarhiej Sačko.
«Raboty raspačatyja. My płanujem adkryćcio ŭ kancy kastryčnika — listapadzie», — dadaŭ jon.
Pavodle słoŭ Sačko, centr stvarajecca na bazie RCITT «dla taho, kab nasielnictva, navučency mahli bolš daviedacca pra atamnuju enierhiju, pra mirny atam». «Pakolki ŭ nas budujecca atamnaja elektrastancyja, u supracoŭnictvie z Rasijskaj Fiederacyjaj tut i stvarajecca hety centr», — skazaŭ jon.
Centr budzie pracavać na niekamiercyjnaj asnovie i stvarajecca z metaj pavyšeńnia jakaści navukovaj, techničnaj, inavacyjnaj i adukacyjnaj dziejnaści nie tolki ŭ halinie atamnaj enierhietyki, ale i pryrodaznaŭčych navuk u cełym, adznačyŭ Sačko. Na bazie centra buduć pravodzicca adukacyjnyja mierapryjemstvy, navukova-techničnyja kanfierencyi, lekcyi, u jakich zmohuć udzielničać navučency siarednich ustanoŭ adukacyi, studenty, piedahohi.