Śviata ŭ biełaruskamoŭnych uładalnikaŭ iPhone dy iPad.
Kampanija Apple aficyjna dahetul nie padtrymlivaje biełaruskuju movu ŭ iOS, i biełaruskamoŭnyja ŭładalniki jaje modnych devajsaŭ doŭhi čas byli pazbaŭlenyja mahčymaści biez chitrykaŭ pisać u mabilnych dadatkach. Chto-nichto navat nazyvaŭ heta hałoŭnaj prablemaj biełaruskamoŭnych. Ale siońnia prablema vyrašyłasia.
Nie hledziačy na zbor podpisaŭ pad admysłovaj pietycyjaj i mnostva zvarotaŭ ad karystalnikaŭ, padtrymka biełaruskaj movy, na žal, nie źjaviłasia i ŭ novaj vośmaj viersii apieracyjnaj sistemy,
ale kampanija Apple dazvoliła inšym raspracoŭnikam stvarać kłavijatury dla iOS.
Hetaj mahčymaściu adrazu ž skarystalisia vytvorcy papularnych alternatyŭnych virtualnych kłavijatur dla Android, jakija jašče ŭviesnu pačali padrychtoŭku viersij svaich apletaŭ dla iOS. U pieršych dadatkovych kłavijaturach, jakija byli dastupnyja ŭ dzień, kali iOS8 atrymała publičny reliz, multymoŭnaść amal adsutničała. Ale situacyja źmianiajecca.
Kampanija KeyPoint Technologies apublikavała 23 vieraśnia ŭ AppStore svaju papularnuju kłavijaturu Adaptxt,
jakaja padtrymlivaje bolej za 90 movaŭ śvietu, u tym liku biełaruskuju. Na hety momant aplet raspaŭsiudžvajecca biaspłatna.
Asablivaściu Adaptxt źjaŭlajecca nie tolki multymoŭnaść, kłavijatura adsočvaje dadatki, u jakich piša karystalnik, i prahnazuje słovy, kab takim čynam paskoryć napisańnie. Taksama Adaptxt daje mahčymaść źmianiać temu ŭłasnaha afarmleńnia, vykarystoŭvaje kala 50 śpiecyjalizavanych słoŭnikaŭ i dazvalaje inšuju kastamizacyju.
Jak dadać kłavijaturu biełaruskaj movy u iPhone abo iPad
Spačatku nieabchodna abnavić viersiju apieracyjnaj sistemy da iOS8, jakaja patrabuje jak minimum iPhone 4s, iPad 2 abo iPad mini.
Instalavać z Appstore kłavijaturu Adaptxt.
Znajści ŭ naładkach apleta Adaptxt punkt Add-on manager i spampavać kłavituru «Biełaruskaja»
Zajści ŭ naładki kłavijaturaŭ iOS:Setting>General>Keyboard>Keyboards>Add New keyboard i dadać kłavijaturu Adaptxt
Dazvolić kłavijatury nieabchodny joj dostup:Setting>General>Keyboard>Keyboards>Keyboard -Adaptxt: Allow Full Access.
