Udzielniki niečarhovaha pasiadžeńnia Kanfierencyi katalickich biskupaŭ Biełarusi 26 vieraśnia pryniali statut vyšejšaj duchoŭnaj navukovaj ustanovy «Teałahičnaja akademija imia śviatota Jana Paŭła II» Rymska-katalickaha kaścioła ŭ Biełarusi.
Jak paviedamlaje aficyjny partał katalickaha kaścioła ŭ Biełarusi catholic.by, novaja navučalnaja ŭstanova adkryjecca ŭ Minsku.
Teałahičnaja akademija budzie rychtavać śpiecyjalistaŭ z vyšejšaj adukacyjaj roznych stupieniaŭ, a taksama navukovych rabotnikaŭ vyšejšaj kvalifikacyi, u tym liku śviataroŭ. Studenty buduć vyvučać teałohiju, biblistyku, kananičnaje prava, historyju, liturhiku, katechizacyju, fiłasofiju, etyku, relihijaznaŭstva, srodki masavaj kamunikacyi, sacyjalnaje vučeńnie i słužeńnie, zamiežnyja movy i mnohaje inšaje ŭ adpaviednaści z normami i vučeńniem Rymska-katalickaha kaścioła.
Kanfierencyja katalickich biskupaŭ pryniała rašeńnie źviarnucca ŭ adpaviednyja dziaržaŭnyja orhany, z tym kab novaja VNU była aficyjna zarehistravanaja.