Santechnik Petsi Ker 15 hadoŭ kapaŭ tunel, kab biehać ad žonki ŭ bar pić piva.
Samaje cikavaje, što mužčyna kapaŭ padziemny chod pad svaim šlubnym łožkam. Tajny łaz pryvodziŭ mužčynu adrazu ŭ miascovy pab, raźmieščany za 250 mietraŭ ad jaho ŭłasnaha doma.
Ker kaža, što ideja pryjšła jamu ŭ hałavu paśla prahladu filma «Ucioki z Šoŭšenka» ŭ 1994 hodzie. Pakolki žonka mocna śpić, to mužčyna čakaŭ, pakul jana zasynała, i pačynaŭ kapać jamu pad łožkam u kirunku paba.
Santechnik vykarystoŭvaŭ dla padkopu samy rozny instrumient: łyžki, rydloŭku, kirku i navat adbojny małatok, kali jamu ŭdałosia addalicca na niekalki dziesiatkaŭ mietraŭ ad šlubnaha łožka.
Pra isnavańnie vykapanaha tunela stała viadoma zusim vypadkova. Tajny łaz staŭ pryčynaj abvału kanalizacyjnaj truby pad susiednim domam. Kali ž razbureńnie adbyłosia, santechniku pryjšłosia stać pierad sudom horada Oma ŭ Paŭnočnaj Irłandyi.
