Siońnia ŭ Biełarusi źjaviłasia pieršaja ekspres-zaradka dla elektramabilaŭ.
Stancyja ekspres-zaradki elektramabilaŭ u v. Baravaja la Minska.
Stancyju standartu CHAdeMO, što sumiaščajecca ź biudžetnymi elektramabilami masavaj vytvorčaści, adkryła kampanija «A-100».
Zaradku prezientavała hienieralny dyrektar kampanii «A-100» Iryna Vaładźko i imparcior elektramabilaŭ KIA Siarhiej Fiedarenka.
Stancyja zaradki mahutnaściu 50 kVt dazvalaje zaradzić batareju elektramabila da 80% prykładna za 30 chvilin. A voś kab zaradzić, naprykład, elektramabil Tesla Model S, uładalnik musić mieć pierachadnik.
Razdym dla padklučeńnia zaradki elektramabila.
Pieršuju ekspres-zaradku raźmiaścili za hipiermarkietam «Hipa» ŭ Baraŭlanach, pobač z zapravačnaj stancyjaj «A-100» (v. Baraŭlany, 7). Hetaje miesca było vybrana z raźlikam na toje, što aŭtamabil budzie padzaradžacca, pakul uładalniki aŭto robiać pakupki.
Elektramabil KIA Soul, padłučany da stancyi ekspres-zaradki.
Pakul heta adzinaja takaja zaradka ŭ Biełarusi. Hienieralnaja dyrektarka kampanii «A-100» Iryna Vaładźko paviedamiła, što ŭ suviazi z małoj kolkaściu aŭtamabilaŭ z elektryčnymi ruchavikami, zaradka poŭnaściu zadavolić popyt na zapraŭku elektraenierhijaj. Adnak Vaładźko adznačyła, što kali elektramabilaŭ stanie bolš, buduć adkrytyja i novyja stancyi padzaradki.
Kampanija «A-100» vałodaje niekalkimi elektramabilami. Na fota: Nissan Leaf.
Pieršyja dva tydni stancyja zaradki budzie pracavać u testavym režymie i ŭ hetyja dni svoj elektramabil možna budzie padzaradzić absalutna biaspłatna. Ale supracoŭniki «A-100» skazali, što i paśla zakančeńnia testavaha terminu cana zaradki budzie nizkaj.
