Rabotniki staličnaha padraździaleńnia MNS u noč z 8 na 9 kastryčnika vyratavali dziaŭčynu, jakaja ledź nie ŭpała z šostaha paviercha, paviedamlaje pres-słužba Ministerstva pa nadzvyčajnych situacyjach.
Nočču ŭ apieratyŭnaje ŭpraŭleńnie minskaha padraździaleńnia MNS ad vidavočcaŭ pastupiła infarmacyja, što ŭ adnym z vyšynnych damoŭ pa vulicy Ałtajskaj na ŭzroŭni šostaha paviercha na praścinach visić maładaja žančyna. Da pryjezdu ratavalnikaŭ dziaŭčyna cudam spuściłasia nižej — na źniešni padakońnik akna na čaćviortym paviersie.
Z-za pryparkavanaha ŭ dvary transpartu rabotniki MNS nie zmahli razharnuć kalenčaty padjomnik, kab spuścić dziaŭčynu. Tamu pad voknami doma była raściahnuta pnieŭmatyčnaja paduška dla strachoŭki ad nastupstvaŭ mahčymaha padzieńnia čałavieka. Pry dapamozie šturmavoj leśvicy ratavalniki pieramiaścili dziaŭčynu na bałkon na piatym paviersie, jaki nie byŭ zašklony.
U hety čas ekipažy DAI vyzvalili dvarovuju terytoryju ad pryparkavanaha aŭtatranspartu. Kali źjaviłasia svabodnaje miesca, supracoŭniki MNS ustanavili kalenčaty padjomnik, z dapamohaj jakoha dziaŭčynu spuścili na ziamlu.
Akaličnaści zdareńnia vyśviatlaje milicyja.
