Biełaruskaja i Łatvijskaja čyhunki ŭvodziać śpiecyjalnyja taryfy na pieravozku pasažyraŭ ciahnikom Minsk — Ryha № 87/88 adpraŭleńniem z 1 listapada, paviedamili ŭ pres-słužbie BČ.
U zaležnaści ad terminu (hłybini) prodažu pry prajeździe na hetym ciahniku da kanca hoda ŭstanaŭlivajecca: skidka 15% ahulnaha koštu prajezdu pry afarmleńni prajaznych dakumientaŭ ad 45 da 31 sutak da adpraŭleńnia ciahnika; skidka 10% ahulnaha koštu prajezdu pry afarmleńni prajaznych dakumientaŭ ad 30 da 21 sutak da adpraŭleńnia ciahnika.
Ciapier košt prajezdu ŭ ciahniku Minsk — Ryha ŭ płackartnym vahonie na nie bakavym miescy roŭny 456.200 rubloŭ; košt prajezdu sa skidkaj 15% składzie 389.500 rubloŭ (na 9 kastryčnika).
Pry afarmleńni prajaznych dakumientaŭ na ciahnik u pieryjad ad 20 da 11 sutak da adpraŭleńnia budzie prymianiacca dziejny taryf. Pry afarmleńni prajaznych dakumientaŭ za 10 sutak i mieniej ustanaŭlivajecca nadbaŭka 5% ahulnaha koštu prajezdu.
Ukazanyja taryfnyja ŭmovy prymianiajucca pry prajeździe ŭ mižnarodnych znosinach pamiž Biełaruśsiu i Łatvijaj i nie dziejničajuć pry afarmleńni prajaznych dakumientaŭ u miežach Biełarusi, a taksama pry pieravozcy arhanizavanych hrup pasažyraŭ.