Fołk-hurt «Rada», a taksama salistki Viera Sałamonik i Patrycyja Śvicina ŭziali pieršyja miescy na aŭtarytetnym piesiennym konkursie.
Supierfinał mižnarodnaha prajektu «Salut talentaŭ» prachodzić u Sankt-Pieciarburhu. U im biaruć udzieł dziciačyja kalektyvy z roznych krainaŭ śvietu, jakija byli ŭžo łaŭreatami papiarednich turaŭ konkursu. Biełaruś pradstaŭlenaja fołk-hurtom «Rada» i duetam «Viera i Patrycyja», jakimi kiruje Irena Katvickaja. Pa vynikach supierfinału «Rada» atrymała 1-aje miesca ŭ naminacyi «Vakalny ansambl», a duet Viery Sałamonik i Patrycyi Śvicinaj 2-je miesca ŭ naminacyi «Narodny vakał», Patrycyja taksama zaniała 1-je miesca ŭ naminacyi «Narodny vakał» (soła).
Hurt «Rada» zaprošany da ŭdziełu ŭ hała-kancercie prajektu.
Vykanaŭcy padrychtavali da vystupu prahramu na asnovie falkłornych biełaruskich piesień «Rusałki», «Čyrvonaja višnia» u aranžyroŭcy Ireny Katvickaj i «Strała» z repiertuaru hrupy «Pałac», zachavaŭšy ŭsie dyjalektynyja asablivaści napievaŭ z Hrodzienskaj, Mahiloŭskaj i Homielskaj abłaściej.
Adnu z hetych piesień śpiavački pradstaŭlali na Tuzin.fm.
