9 kastryčnika staršynia Biełteleradyjokampanii Hienadź Davydźka paŭdzielničaŭ u sustrečy z aktyvam BRSM i adkazaŭ na pytańni moładzi. Studenty Instytuta žurnalistyki dasłali ŭ Redakcyju «Našaj Nivy» aŭdyjozapis razmovy.
Pryvodzim padradkoŭnik adkazu Hienadzia Davydźki na pytańnie, čaho nie chapaje sučasnaj moładzi z punktu hledžańnia stałaha pakaleńnia.
«U našaj krainy i našaj nacyi strataŭ, moža być, bolš čym u luboj inšaj.
My nie zalapanyja kankistadorskaj kryvioju, jak prahresiŭnyja krainy Jeŭropy, jakija abrabavali ŭvieś śviet i potym na ślazach vorahaŭ, na abrabavanym z Afryki i inšych kantynientaŭ zrabili svaju cyvilizacyju, tak zvanuju demakratyčnuju, i tykajuć nam joj, choć i nas rabavali ŭsio žyćcio.
Razumieć historyju svajho roda i hanarycca, tamu što nie toje, što my lepšyja, ale daroha strataŭ daje vialiki vopyt.
I kali pryjazdžajuć japonskija psichołahi i sprabujuć zialonym koleram supakoić dzicia, u jakoha dzied byŭ raskułačany, pradzieda balšaviki zadušyli taksama niejkim čynam, inšy zahinuŭ u Vialikaj Ajčynnaj, ad Čarnobyla dziadźki paciarpieli, ni karysnych vykapniaŭ, ničoha, ni vychadu da mora, i naša kraina padnimajecca, i hetaje dzicia razumieje, što hetymi tam ustanoŭkami niejkimi zachodnimi psichałahičnymi z hetym chłopčykam, u jakoha ŭ kryvi takaja hustaja miešanina vajara, što ź im treba pracavać pa-inšamu, heta zusim inšaja istota.
Tamu {žadaju} razumieńnia duchoŭnaści, kab nie pakinuła vašaha vydatnaha prahmatyzma vielmi talenavitaha pakaleńnia».
