Pra heta arhanitarka kursaŭ Kaciaryna Kibalčyč napisała ŭ svaim Facebook.
«Siońnia kursy «Mova ci kava», na žal, spynili svajo isnavańnie. Try viadoŭcy biez majho viedama dali abviestki pra admienu zaniatkaŭ. I zajavili ŭ presie pra zakryćcio kursaŭ ad majho imia, biez majoj zhody. Daviałosia sustrakacca nie z studentami, a z žurnalistami.
«Mova ci kava» - heta inicyjatyva, jakaja abjadnała ludziej z roznymi mierkavańniami i losam. Adnak, na žal, ideja «mova dla ŭsich» nie spracavała. Ja pierakananaja, što papularyzacyja movy mahčymaja tolki pry supracoŭnictvie roznych ludziej, mova — ahulnanacyjanalnaja i niepalityčnaja kaštoŭnaść. Biez razumieńnia hetaha movu NIKOLI nie vyvieści z hieta. Na kursy za amal 2 hady byli napadki z boku ŭłady z-za reputacyi niekatorych viadoŭcaŭ, i «Mova ci kava» niekalki razoŭ była pad pahrozaj zakryćcia. Ale prypynilisia kursy nie z-za «złačynnaha režymu», a pad ciskam biełaruskamoŭnaj «demakratyčnaj» supolnaści. Možna zrabić vysnovu, što hetyja ludzi nie hatovyja da masavaści movy.
Ja vam pakazała mahčymy šlach da abjadnańnia nacyi vakoł movy — dalej vam samim šukać ściežki-darožki. Pośpiechaŭ!
I dziakuju ŭsim, chto dapamahaŭ rabić kursy!»
