Ministr abarony Złučanych Štataŭ Čak Chejhieł, vystupajučy ŭ sieradu na štohadovym schodzie Asacyjacyi Armii ZŠA, zaklikaŭ amierykanskich vajennasłužačych być hatovymi da taho, kab «mieć spravu» z rasijskaj armijaj, jakaja staić «na parozie NATA».
«Patrabavańni da vojska (ZŠA) stanaviacca ŭsio bolš raznastajnymi i składanymi. Pahroza z boku terarystaŭ i miaciežnikaŭ budzie isnavać dla nas jašče doŭhi čas, ale my taksama pavinny mieć spravu z revizijanisckaj Rasijaj, ź jaje sučasnaj i bajazdolnaj armijaj, jakaja staić na parozie NATA», — cytuje Chejhieła TASS.
Pavodle jaho słoŭ, u ciapierašni čas dostup da razburalnych technałohij i mahutnych uzbrajeńniaŭ majuć nie tolki dziaržavy, ale taksama i «niedziaržaŭnyja subjekty».
«Pryvid tak zvanaj hibrydnaj vajny stanovicca ŭsio bolšy, kali našy praciŭniki ŭžyvajuć taktyku paŭstancaŭ, vykarystoŭvajučy pry hetym dobra zabiaśpiečanyja ŭzbrojenyja siły i składanyja technałohii», — skazaŭ Chejhieł.
Jon paviedamiŭ, što ŭ zonie adkaznaści Cichaakijanskaha kamandavańnia VS ZŠA słužać 80 tysiač sałdat, u zonie Centralnaha kamandavańnia — 40 tysiač. Jašče 28 tysiač vajskoŭcaŭ słužać u Jeŭropie, a taksama tysiačy ŭ Afrycy i Paŭdniovaj Amierycy, dadaŭ Chejhieł.
