Biełaruskija vajskovyja lotčyki atrymajuć u pieršym kvartale 2015 hoda čatyry samaloty Jak-130, raspavioŭ kamandujučy Vajenna-pavietranych siłaŭ i vojskaŭ supraćpavietranaj abarony Biełarusi hienierał-major Aleh Dvihaloŭ.
U studzieni 2015 hodu našyja lotčyki i techniki nakirujucca ŭ Rasieju, kab atrymać patrebnuju padrychtoŭku, piša BiełTA.
Damovu pra zakupku mašynaŭ zaklučyli ŭ kancy 2012 hoda z karparacyjaj «Irkut». Mašyny z ekipažam, jaki składajecca z 2 čałaviek, mohuć vykarystoŭvacca ŭ vajenny čas jak lohkija šturmaviki — samalot moža ŭziać na bort da 3 tonaŭ roznych bombaŭ i rakietaŭ.
Jak-130 raspracoŭvaŭsia sumiesna ź italjanskaj kampanijaj Aermacchi, jakaja atrymała ŭsiu kanstruktarskuju i techničnuju dakumentacyju na płanier samalota i potym vypuściła ŭłasny varyjant – M-346.
Akramia Biełarusi Jak-130 zamaŭlali Vjetnam, Ałžyr, Banhładeš i Siryja. Siryja, naprykład, zamoviła 36 samalotaŭ za $550 miljonaŭ. Takim čynam možna mierkavać, što košt adnoj mašyny – kala $15 miljonaŭ.
