U Vaŭkavysku pacyjent supraćtubierkuloznaha dyspansera na hlebie reŭnaści napaŭ z nažom na susieda, paviedamiŭ 18 kastryčnika BiełaPAN.
Pavodle infarmacyi kryminalnaha vyšuku Vaŭkavyskaha RAUS, 22-hadovy i 31-hadovy pacyjenty lažali ŭ adnoj pałacie kala paŭhoda.
U toj viečar jany vypivali. Pryčynaj kanfliktu stała pierapiska paciarpiełaha z žančynaj praz sacyjalnuju sietku. Małady čałaviek pryraŭnavaŭ i vyrašyŭ razabracca z kryŭdzicielem: dastaŭ nož, schapiŭ susieda pa pałacie za hałavu i pravioŭ lazom pa šyi. Paškodžańni apynulisia lohkimi. Z krykami ab dapamozie paciarpieły vybieh z pałaty.
Na miesca zdareńnia prybyła apieratyŭnaja hrupa. U momant zatrymańnia, mužčyna supraciŭlaŭsia i kryčaŭ na milicyjantaŭ. Miedpiersanał dyspansera paćvierdziŭ, što padazravany i raniej nieadnarazova pavodziŭ siabie hruba.
Padazravany ŭ minułym užo mieŭ sudzimaść za kradziež i rabavańnie. Ciapier u dačynieńni da jaho ŭzbudžanaja kryminalnaja sprava za pryčynieńnie cialesnych paškodžańniaŭ.
