Pratesty hramadzianaŭ padziejničali. Karespandent «Našaj Nivy» ŭ Minsku naziraŭ, jak hłuchaniama na śviatłafory razdavaŭ biełaruskija dziaržaŭnyja ściažki ŭ kamplekcie sa ściaham Minska — sinim z Božaj Maci.
Raniej razdača rasijskich ściažkoŭ asobna ci ŭ pary ź biełaruskim dziaržaŭnym vyklikała incydenty i abureńnie biełarusaŭ. Było niajasna, ci heta prosta sposab zarablać, jaki biełaruskija hłuchaniamyja skapijavali z Rasii, ci chitraja technałohija rasijskich śpiecsłužbaŭ, skiravanaja na pryvučvańnie biełarusaŭ da rasijskaha simvała.
Jak by ni było, źmieny adbyvajucca: na skryžavańni vulic Prytyckaha i Łabanka, nasuprać budaŭničaha hipiermarkieta «Maciaryk» u subotu razdavali — uzamien za achviaravańni — ściažki tolki biełaruskija.
Prykładna 20-hadovy chłopiec u spartyŭnych štanach i ciopłaj kurtcy, tanna, pad mašynku stryžany, prapanoŭvaŭ fłažočki z prysoskaj kiroŭcam, pakul mašyny stajać na čyrvonaje śviatło. Na mihi jon pakazaŭ mnie, što nie choča, kab jaho zdymali.
U toj ža čas ź Bieraścia j Viciebsku na minułym tydni paviedamlali, što tam praciahvajecca razdača rasijskich ściažkoŭ.
