VMS Šviecyi šukajuć rasijskuju padvodnuju łodku, jakaja cierpić biedstva ŭ jaje terytaryjalnych vodach.
Pra heta paviedamiła šviedskaja hazieta Svenska Dagbladet sa spasyłkaj na «nadziejnyja krynicy».
Pa dadzienych vydańnia, słužba radyjopierachopu šviedskich VMS (Försvarets radioanstalt) zarehistravała radyjopieradaču na ruskaj movie z svaich terytaryjalnych vod. Sihnał dapamohi byŭ nakiravany z rajona Stakholmskaha archipiełaha na rasiejskaj movie. Sihnał byŭ złoŭleny dvojčy - adzin raz u zašyfravanym vyhladzie. Paśla druhoj pieradačy šviedskija vajskoŭcy ŭstanavili, što pryjomnik radyjosihnałaŭ, pa infarmacyi Svenska Dagbladet, raźmieščany ŭ rasijskim Kalininhradzie, dzie znachodzicca baza Bałtyjskaha fłotu RF, piša NEWSru.com.
Pry hetym u paviedamleńni adznačajecca, što radyjopieradača viałasia na častotach, jakija vykarystoŭvajucca rasijskimi VMS u ekstremalnych situacyjach. Z hetaha robicca vysnova, što jany dasyłalisia mahčyma avaryjnaj rasijskaj padłodkaj, pieradaje TASS.
Šviecyja sprabuje vyznačyć dakładnaje miescaznachodžańnie krynicy radyjosihnałaŭ. Razam z tym, jak zajaviŭ adzin z krynic vydańnia, «u ciapierašni čas dziejańni fakusujucca na vyraznym vyznačeńni najaŭnaści zamiežnaj padvodnaj dziejnaści» ŭ terytaryjalnych vodach Šviecyi.
Finskija błohiery apublikavali kartu pieramiaščeńniaŭ adnaho z sudoŭ, jakija prymajuć udzieł u pošukavaj apieracyi - MS Concord. Na joj vidać, u jakim rajonie viaducca pošuki.
Pradstaŭniki Minabarony Šviecyi admovilisia paćvierdzić abo abvierhnuć źviestki ab tym, što šukajuć paškodžanuju rasijskuju submarynu.
Uviečary 17 kastryčnika pradstaŭniki ŭzbrojenych sił Šviecyi pačali ŭ rajonie Stakholmskaha archipiełaha apieracyju pa vyjaŭleńni «zamiežnaj padvodnaj aktyŭnaści». U joj zadziejničany sudny i viertaloty.
U 1981 hodzie ŭ Šviecyi sieła na miel savieckaja padvodnaja łodka U137, jakaja apynułasia hłyboka ŭnutry šviedskich terytaryjalnych vod, što vyklikała hučny skandał i ŭzmacniła padazreńni ab maštabach i matyvach takich uvarvańniaŭ. 19 vieraśnia Šviecyja abviaściła, što dva rasijskija vajskovyja samalota ŭvarvalisia ŭ jaje pavietranuju prastoru i nazvała ŭvarvańnie «surjoznym parušeńniem».
