Rasijskaja śpiavačka Žana Fryskie, na lačeńnie jakoj pry padtrymcy Pieršaha kanała i Rusfonda było sabrana 68 miljonaŭ rubloŭ, skončyła kurs lačeńnia ad raka i viarnułasia z Kitaja ŭ Maskvu.
Žanna Fryskie idzie na papraŭku, paviedamiŭ baćka śpiavački
Jak paviedamiŭ telekanał «Rasija-24», lačeńnie Fryskie doŭžyłasia kala hoda. Pa słovach lekaraŭ, udałosia damahčysia praciahłaj remisii. Jak paviedamlajecca, Fryskie chodzić samastojna, admoviŭšysia ad invalidnaha kresła, i šmat hulaje.
Śpiavačka, u jakoj była vyjaŭlenaja puchlina mozhu, raniej prachodziła kurs ekśpierymientalnaha lačeńnia nanavakcynaj ŭ ankałahičnaj klinicy Ńju-Jorka. Čarhovy kurs, jak paviedamlajecca, jana prajšła ŭ Kitai.
Pra toje, što ŭ Fryskie puchlina mozhu (hliabłastoma), šyrokaj hramadskaści stała viadoma ŭ studzieni hetaha hoda, paśla aficyjnaj zajavy jaje hramadzianskaha muža, televiadučaha Dźmitryja Šepieleva. Rasiejski Pieršy kanał sumiesna z Rusfondam arhanizavaŭ zbor srodkaŭ dla aktrysy. Sabrać udałosia kala 68 miljonaŭ rubloŭ - bolš, čym patrabavałasia na apłatu jaje lačeńnia. Častka srodkaŭ Fryskie pieraličyła na dapamohu dzieciam, jakija pakutujuć na ankałahičnyja zachvorvańni.