Minabarony RF pracuje nad prajektam stvareńnia niekalkich rezervnych armij, paviedamiŭ namieśnik staršyni kamiteta pa abaronie Dziaržaŭnaj dumy RF Franc Klincevič hazecie «Iźviestija».
Pavodle jahonych słovach, słužboŭcy armij rezervu buduć pracavać, ale rehularna prachodzić vajskovyja zbory i atrymlivać dadatkovyja hrošy za słužbu. Rezervisty buduć uvieś čas słužyć u adnym i tym ža rezervnym vajskovym padraździaleńni, što zabiaśpiečyć bajavuju hatoŭnaść, jednaść kalektyvu i chutkaść mabilizacyi.
U toj ža čas kiraŭnik pres-słužby Minabarony RF Uładzimir Anikin skazaŭ, što ŭ bližejšy čas takich płanaŭ ustanova nie maje.
A vajskovy ekśpiert, dyrektar Centru analiza stratehij i technałohij Rusłan Puchaŭ uvohule adznačyŭ, što rost kolkaści dobra navučanych vajskovaj spravie hramadzian, jakija pastajanna znachodziacca za bramami vajskovych častak, moža być niebiaśpiečnym dla samich rasijskich uładaŭ.
