Regimantas Mimas
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ u chodzie videabryfinhu 20 kastryčnika.
«Na hetym tydni čakajecca vielmi niaŭstojlivaje nadvorje: pachaładańnie, mokry śnieh z daždžom, hałalodnyja źjavy, paryvisty viecier, skački atmaśfiernaha cisku, da kanca tydnia istotnaje ŭzmacnieńnie marazoŭ», — skazaŭ sinoptyk.
Pavodle jaho słoŭ, «u aŭtorak pad upłyvam cykłona i jaho pastajannych spadarožnikaŭ atmaśfiernych frantoŭ budzie syra, vietrana: na bolšaj častcy terytoryi daždžy, nočču pa Viciebskaj vobłaści miescami mocnyja daždžy, dniom u paŭnočnych rajonach krainy mahčymy mokry śnieh». Tempieratura pavietra na praciahu sutak plus 6—12°S, dniom u paŭdniovych rajonach da plus 14°S.
«U sieradu, pa miery adchodu cykłona na Bałkany z paŭnočnymi viatrami, pačynajučy z paŭnočna-ŭschodnich rajonaŭ, nakirujecca arktyčny choład i pačniecca pachaładańnie: nočču miescami, dniom pieravažna pa paŭdniova-zachodniaj pałovie karotkačasovyja apadki (doždž, mokry śnieh), u asobnych rajonach słaby hałalod», — paviedamiŭ Rabaŭ. Tempieratura pavietra nočču minus 3 — plus 4°S, dniom 0 — plus 6°S; pa paŭdniovym zachadzie nočču plus 5—10°S, dniom plus 7—12°S.
«Dalej uładu nad nadvorjem voźmie chałodny skandynaŭski antycykłon, jaki budzie źmiaščacca ŭ paŭdniovym napramku. Jon budzie adciskać apadki na poŭdzień, ale pry hetym uzmacniać marazy», — adznačyŭ śpiecyjalist.
U čaćvier pa paŭdniova-zachodniaj pałovie apadki (doždž, mokry śnieh). Miescami hałalod, na darohach hałalodzica. U asobnych rajonach uzmacnieńnie vietru paryvami da 15—18 m/s. Tempieratura pavietra nočču 0 — minus 7°S, dniom minus 2 — plus 3°S, pa paŭdniovym zachadzie na praciahu sutak plus 1—5°S.
U piatnicu antycykłon budzie ŭzmacniać svoj upłyŭ i pryniasie nadvorje pieravažna biez apadkaŭ, tolki pa poŭdni karotkačasovy śnieh, mokry śnieh, słaby hałalod. Na darohach miescami hałalodzica. Tempieratura pavietra nočču 0 — minus 7°S, pa paŭnočnym uschodzie da minus 10°S, dniom minus 3 — plus 3°S.
Pavodle słoŭ Rabava, «u vychadnyja čakajecca bolš spakojnaje nadvorje, spynieńnie apadkaŭ, ale dalejšaje ŭzmacnieńnie marazoŭ».
Budzie pieravažna biez apadkaŭ. Na asobnych učastkach daroh hałalodzica. Tempieratura pavietra nočču minus 4—10°S, miescami da minus 11—15°S, dniom minus 3 — plus 3°S.
