Prezident Ukrainy Piatro Parašenka padpisaŭ zakon, jaki daść mahčymaść pravieści sud nad Viktaram Janukovičam. Pra heta jon paviedamiŭ u svaim Tvitary.
U svaju čarhu pres-słužba prezidenta ŭdakładniaje, što havorka idzie pra źmieny ŭ kryminalnaje zakanadaŭstva «datyčna niaŭchilnaści pakarańnia za asobnyja złačynstvy suprać asnoŭ nacyjanalnaj biaśpieki, hramadskaj biaśpieki i karupcyjnyja złačynstvy».
Hety dakumient dazvalaje pravodzić zavočnyja pracesy nad padazravanymi, a taksama kanfiskavać ich majomaść.
«Z zaŭtrašniaha dnia ŭ našaj prakuratury, śledčych orhanaŭ, sudoŭ narešcie źjavicca mahčymaść na adkrytym pasiadžeńni pasadzić na łavu padsudnych i pryciahnuć da adkaznaści tych, chto rabavaŭ naš narod, zrabić adpaviednyja kroki datyčna ich majomaści, kali jana nabyta ŭ niesumlenny sposab, datyčna aryštu ich rachunkaŭ», — skazaŭ Parašenka ŭ Dnieprapiatroŭsku.
