Źmianieńnie piensijnaha zakanadaŭstva Biełarusi ŭ suviazi z utvareńniem Jeŭrazijskaha ekanamičnaha sajuza nie płanujecca. Ab hetym paviedamili ŭ hałoŭnym upraŭleńni piensijnaha zabieśpiačeńnia Ministerstva pracy i sacyjalnaj abarony.
Pavodle słoŭ śpiecyjalistaŭ, u suviazi z padpisańniem dahavora ab JEAES na paradku dnia staić pytańnie padrychtoŭki šmatbakovaha mižnarodnaha dahavora ab supracoŭnictvie ŭ halinie piensijnaha zabieśpiačeńnia ŭ ramkach hetaha sajuza, jaki praduhledžvaje raźmierkavańnie abaviazacielstvaŭ dziaržaŭ pa naznačeńni i vypłacie piensij za sfarmiravanyja na ich terytoryi piensijnyja pravy.
Ciapier ekśpierty rychtujuć prajekt kancepcyi hetaha dahavora. U ministerstvie padkreślili, što rabota pa padrychtoŭcy mižnarodnaha dahavora ab supracoŭnictvie ŭ halinie piensijnaha zabieśpiačeńnia ŭ JEAES u 2015 hodzie vychodzić na pieršy płan.
Što datyčycca inšych krain, to rabota pa zaklučeńni dahavoraŭ u halinie piensijnaha zabieśpiačeńnia viadziecca z Čechijaj, Estonijaj i Polščaj. U pryvatnaści, u kancy listapada biahučaha hoda ŭ Minsku płanujecca praviadzieńnie biełaruska-polskich ekśpiertnych kansultacyj.
Zhodna ź biełaruskim zakanadaŭstvam, zaklučeńnie mižnarodnych dahavoraŭ uklučaje ŭ siabie niekalki paśladoŭnych stadyj pa farmiravańni źmiestu mižnarodnaha dahavora, pryniaćci jaho tekstu i vykazvańni zhody Respubliki Biełaruś na abaviazkovaść dla jaje mižnarodnaha dahavora. Pry raspracoŭcy mižnarodnych dahavoraŭ u halinie piensijnaha zabieśpiačeńnia pryncypovymi źjaŭlajucca pytańni pryznańnia ŭ jakaści pieryjadaŭ farmiravańnia piensijnych pravoŭ hramadzian času ich raboty da zaklučeńnia dahavora i raźmierkavańnia finansavaj adkaznaści pamiž dziaržavami - bakami dahavora za pryznanyja piensijnyja pravy.
