Palicyja Atavy rasśleduje prynamsi try incydenty sa stralaninaj, jakija mieli miesca ŭ sieradu ranicaj u centry kanadskaj stalicy.
Kala 10 ranicy pavodle miascovaha času (17:00 pa Minsku) nieviadomy ŭsčaŭ stralaninu kala Nacyjanalnaha vajennaha miemaryjała ŭ stalicy Kanady Atavie, raźmieščanaha niepadalok ad parłamienta krainy, a zatym zabieh u budynak parłamienta i zrabiŭ niekalki strełaŭ.
Pavodle vidavočcy, uzbrojeny mužčyna adkryŭ ahoń pa vajskoŭcach, jakija stajali na varcie kala vajennaha miemaryjała.
U chodzie stralaniny la miemaryjała byŭ paranieny adzin vajskoviec. Jon paźniej pamior ad ran, napisaŭ u Twitter ministr zaniataści Kanady Džejsan Kieni.
Kieni paviedamiŭ taksama, što byŭ paranieny adzin supracoŭnik słužby achovy parłamienta.
Pastupajuć paviedamleńni i pra treci incydent sa stralboj — u handlovym centry «Ryda» ŭ centralnaj častcy Atavy.
Kala Nacyjanalnaha miemaryjała byŭ paranieny adzin vajskoviec, AFP
Jak pieradaje kanadskaja telekampanija Si-bi-es, toj, chto stralaŭ ŭnutry parłamienta, byŭ zabity.
Pradstaŭnik palicyi paćvierdziŭ Si-bi-es, što ŭłady ličać, što ŭ hetych incydentach, udzielničali niekalki čałaviek, i viaduć pošuk inšych padazravanych.
Premjer-ministra evakujavali
Budynak parłamienta i prylehły rajon zabłakavanyja siłami biaśpieki.
Premjer-ministr krainy Styvien Charpier pakinuŭ parłamiencki kompleks i znachodzicca ŭ biaśpiecy, paviedamlaje kanadskaje telebačańnie sa spasyłkaj na atačeńnie premjera.
Palicyja Atavy papiaredžvaje, što ŭ rajonie parłamienta mahło być dvoje ci troje ŭzbrojenych napadnikaŭ.
Raniej karespandent kanadskaj telekampanii Si-bi-es paviedamiŭ, palicyja viadzie pahoniu jašče za dvuma padazravanymi ŭ rajonie Parłamienckaha ŭzhorka.
Pahroza siaredniaha ŭzroŭniu
Kanadskija ŭłady abviaścili, što ŭsie vajskovyja bazy na terytoryi krainy zakryty dla naviedvańnia starońnimi asobami, a vajskoŭcam rekamiendavana nie pakidać ich terytoryju.
Raniej u sieradu ŭłady Kanady pierahledzieli ŭzrovień terarystyčnaj pahrozy ŭ krainie, źmianiŭšy jaho z «nizkaha» na «siaredni».
U aŭtorak kanadskaja palicyja abviaściła, što čałaviek, jaki źbiŭ mašynaj dvuch vajskoŭcaŭ, da hetaha znachodziŭsia pad nahladam słužbaŭ biaśpieki pa padazreńni ŭ suviaziach z bajevikami-isłamistami.
Napadnik byŭ zastreleny.
Adzin z dvuch vajskoŭcaŭ, jakija stali achviarami hetaha napadu, pamior viečaram u paniadziełak.
Palicyja miarkuje, što ŭ napadzie na parłamient udzielničali niekalki čałaviek, Reuters.com
