U ZŠA ŭ aŭtorak prezientavali novuju sacyjalnuju sietku Tsu, zasnavalniki jakoj abiacajuć dzialicca dachodami ad rekłamy z karystalnikami.
Jak paviedamlaje Mediasapiens sa spasyłkaj na recode.net, asablivaść novaj sacsietki ŭ tym, što karystalniki płatformy atrymajuć płatu za aktyŭnaje raźmiaščeńnie pastoŭ i zaprašeńnie svaich siabroŭ dałučycca da sietki.
Jak raspavioŭ zasnavalnik resursu Siebaśćian Sabčak, płatforma budzie zabirać sabie tolki 10% prybytku ad rekłamy. Astatnija 90%, pavodle jaho słoŭ, buduć raźmiarkoŭvacca pamiž karystalnikami. Vypłaty karystalnikam buduć zaležać ad kolkaści prahladaŭ i pierapostaŭ ich paviedamleńniaŭ.
Ideja prajekta zaklučajecca ŭ tym, što na ŭznaharodžańnie zasłuhoŭvajuć i aŭtary kantentu. Pa słovach Siebaśćiana Sabčaka, papularnyja siońnia sacsietki, «jak i radyjostancyi, kruciać niečyja pieśni, ale nie dajuć za heta nijakaha ŭznaharodžańnia».
Akramia desktopnaj viersii, dastupnyja taksama viersii Tsu dla iOS i Android.
