Šeść čałaviek paranienyja ŭ vyniku stralaniny ŭ amierykanskaj škole ŭ štacie Vašynhton na zachadzie krainy, paviedamlajuć miascovyja ŚMI.
Jak paviedamlaje vydańnie Seattle Times, adzin z vučniaŭ adkryŭ ahoń u škole Marysville-Pilchuck ŭ piatnicu ranicaj.
Detalaŭ palicyja pakul nie apublikavała, adnak paviedamlajecca pra šeść paranienych. Pavrdle dadzienych vydańnia, častka vučniaŭ była evakujavanaja z budynka škoły, častka zastajecca ŭ kłasnych pamiaškańniach.
Na sajcie navučalnaj ustanovy paviedamlajecca, što škoła začynienaja «ŭ suviazi z nadzvyčajnaj situacyjaj». Ab charaktary taho, što adbyłosia, ničoha nie havorycca.
Na kadrach, jakija tranślavaŭ miascovy telekanał King5, vidać, što dziaciej vyvodziać z budynka, pry hetym nichto nie biažyć.
