Žycharam Dubaja prapanujuć vyjhrać załaty źlitak za admovu ad asabistaha transpartu na karyść hramadskaha.
Transpartnyja ŭłady emirata hatovyja padaryć 4 kiłahramy čystaha zołata ŭ ramkach śviatkavańnia Dnia hramadskaha transpartu, 1 listapada, paviedamlaje sajt Gulf News. Takim čynam čynoŭniki sprabujuć matyvavać ludziej admovicca ad vykarystańnia asabistych aŭtamabilaŭ.
Załaty źlitak i inšyja padarunki buduć razyhryvacca ŭ łatareju na praciahu tydnia. U hrašovym ekvivalencie košt kaštoŭnych pryzoŭ składzie 1 młn dyrchamaŭ ($272 tysiačy).
Pretendavać na padarunki zmohuć tolki ŭładalniki dubajskich prajaznych.
U śviatkavańni prymie ŭdzieł lehiendarny baskietbalist Karym Abduł-Džabar. Jon naviedaje baskietbolny matč, jaki praviaduć pobač z aŭtobusnym prypynkam. Pieramožca turniru pa strytbole atrymaje 10 tysiač dyrchamaŭ ($2700).
Dubaj źjaŭlajecca adnym z samych nasyčanych aŭtatranspartam haradoŭ śvietu: na kožnuju siamju ŭ siarednim prypadaje pa 2,3 aŭtamabila.
Pry hetym usiaho 13% hramadzian karystajucca hramadskim transpartam.
