Siońnia va Ukrainie prachodziać daterminovyja parłamienckija vybary.
Usiaho adkryta 32 198 vybarčych učastkaŭ. 112 ź ich znachodziacca za miažoj,
u tym liku dva — va ŭkrainskim pasolstvie ŭ Minsku i hienieralnym konsulstvie Ukrainy ŭ Breście, paviedamlaje BiełaPAN.
Miežy vybarčaha ŭčastku, zasnavanaha na terytoryi pasolstva ŭklučajuć Minsk, Viciebskuju, Homielskuju, Minskuju i Mahiloŭskuju vobłaści, ŭčastka na terytoryi konsulstva — Bresckuju i Hrodzienskuju vobłaści.
Učastki pracujuć siońnia z 8 da 20 hadzin.
U śpisy dla hałasavańnia ŭklučana kala 13 tys. ukrainskich hramadzian, jakija pražyvajuć abo časova znachodziacca ŭ Biełarusi. Miarkujecca, što kala 8 tys. ukraincaŭ zmohuć prahałasavać u Minsku i 5 tys. — u Breście, paviedamili BiełaPAN va ŭkrainskim dyppradstaŭnictvie.