U ofis rasijskaha palityka i žurnalista Maryi Hajdar pryjšli ź pieratrusami. Pra heta jana sama piša na svajoj staroncy ŭ Facebook.
«Da mianie dadomu pryjšli ź pieratrusam. Terminova patrebna dapamoha advakata», — napisała jana kala 10-j ranicy, sarkastyčna dadaŭšy, što «staličnyja ŭłady narešcie pačuli i pryniali da ŭvahi mierkavańnie žycharoŭ Maskvy nakont parkovak, dobraŭparadkavańnia i zakryćcia chareahrafičnych škoł».
Krychu paźniej jana ŭdakładniła: «Ofis čapać nie stali. Zaraz pieratrus prachodzić u mianie doma».
Maryja Hajdar źjaŭlajecca dyrektaram Fondu sacyjalnaj dapamohi i padtrymki nasielnictva «Sacyjalny zapyt». Taksama jana — daradca na hramadskich pačatkach vice-mera Maskvy pa sacyjalnych pytańniach Leanida Piečatnikava i viadučaja radyjostancyi «Echo Moskvy». Na vybarach u Mashardumu-2014 nie zmahła sabrać dastatkovuju kolkaść podpisaŭ dla vyłučeńnia.
U minułym — siabra palitrady partyi SPS, a z 2009 pa 2011 hh. namieśnik staršyni ŭrada Kiraŭskaj vobłaści.
