Fjučarsy na naftu marki Brent trymajucca ŭ paniadziełak 27 kastryčnika, kala $86 za barel paśla taho, jak Goldman Sachs paniziŭ prahnoz cen na asnoŭnyja suśvietnyja hatunki ŭ pieršym kvartale 2015 na 15 dalaraŭ.
Amierykanski inviestbank ŭ analityčnaj zapiscy ŭ niadzielu napisaŭ, što paniziŭ prahnoz cany West Texas Intermediate da $75 z 90 dalaraŭ za barel i na Brent — da 85 dalaraŭ sa $100, bo rastučaja vytvorčaść nafty krain, što nie ŭvachodziać u APIEK, za miežami Paŭnočnaj Amieryki budzie apiaredžvać popyt.
Bank čakaje, što cana na WTI ŭpadzie da $70 za barel, a na Brent dasiahnie $80 u druhim kvartale 2015 hoda.
Heta samy piesimistyčny prahnoz z usich amierykanskich finansavych instytutaŭ, jakija vykazali apošnim časam zaściarohi z nahody suśvietnych tempaŭ rostu i zališnich pastavak.
