Partyja «Svaboda» nie pieraadolvaje 5% barjer i nie budzie prysutničać u novaj Viarchoŭnaj Radzie.
Pra heta śviedčać vyniki paralelnaha padliku hałasoŭ, praviedzienaha hramadskaj sietkaj «Apora».
Pavodle ich, partyja nabiraje tolki 4,6% (+/- 0,4%).
Pry hetym pieramožcam pa partyjnych śpisach moža akazacca nie Błok Piatra Parašenki, a «Narodny front» — pavodle dadzienych sietki, partyja premjera pakul nabiraje 21,9% hałasoŭ (+/- 0,9%), a palitsiła prezidenta — 21 3% (+/- 0,7%).
«Dadzienyja atrymanyja na asnovie 1473 z 1477 učastkaŭ, jakija trapili ŭ vybarku (99,7%, 79 1384 hałasoŭ). «Apora» maje 99% upeŭnienaści, što kali CVK abvieścić kančatkovyja vyniki, to jany buduć vyhladać tak», — zapeŭnivaje arhanizacyja.
Pry hetym vynik «Samopomoči» čakajecca na ŭzroŭni 10,6%, Apazicyjny błok — 9,6%, partyja Laško — 7,5%, «Baťkivŝina», — 5,7%.
Jak viadoma, pavodle dadzienych ekzit-połaŭ «Svaboda» traplaje ŭ Radu z vynikam nie bolš za 5%.