AP
Pieršy viertalotanosiec «Mistral», pavodle papiarednich źviestak, pieradaduć Rasii 14 listapada. Pra heta paviedamlaje ŭ paniadziełak 27 kastryčnika, RIA Naviny sa spasyłkaj na słovy prafsajuza vierfi, dzie idzie budaŭnictva sudna.
Pieradaduć «Mistral» Rasii ŭ francuzskim partovym horadzie Sien-Nazere.
«Papiarednie cyrymonija pieradačy pieršaha viertalotanosca pad nazvaj «Uładzivastok» pryznačanaja na 14 listapada hetaha hoda», — paviedamiŭ surazmoŭca ahienctva.
Pavodle jaho słoŭ, nazvanaja data źjaŭlajecca nieaficyjnaj, adnak rabotniki prafsajuza zajmajucca padrychtoŭkami da cyrymonii, jakaja pryznačanaja mienavita na 14 listapada.
U červieni 2011 hoda «Rasabaronekspart» i francuzskaja kampanija DCNS zaklučyli kantrakt na budaŭnictva dvuch viertalotanoscaŭ typu «Mistral». Pieradača pieršaha ź ich Rasii była namiečana na vosień 2014 hoda. U kancy vieraśnia Francyja zajaviła, što ličyć pieradaču «Mistral» Rasii niemahčymaj.
Viertałatanosiec «Mistral» vodaźmiaščeńniem 21 000 ton i maksimalnaj daŭžynioj korpusa 210 mietraŭ zdolny raźvivać chutkaść bolš za 18 vuzłoŭ. Dalokaść płavańnia — da 20 tysiač mil. Kolkaść kamandy składaje 160 čałaviek, dadatkova viertalotanosiec moža pryniać na bort 450 čałaviek. Avijahrupa ŭklučaje 16 viertalotaŭ, ź jakich šeść moža adnačasova raźmiaščacca na ŭźlotnaj pałubie. Hruzavaja pałuba moža źmiaścić bolš za 40 tankaŭ abo 70 aŭtamašyn.
