Ministerstva abarony Litvy paviedamiła pra namier nabyć u ZŠA dadatkovuju partyju supraćtankavych rakietnych kompleksaŭ FGM-148 «Dževielin» na sumu $20 młn. Kanhres ZŠA daŭ dazvoł na prodaž uzbrajeńniaŭ miesiac tamu.
Sistema «miahkaha pusku» rakiet «Dževielin».
Papiarednie Litva kuplała kompleksy «Dževielin» ŭ 2001 hodzie na $9,6 młn.
STRK «Dževielin» — pieranosny kompleks dla źniščeńnia braniatechniki, umacavanych abjektaŭ i małachutkasnych i nizkavyšynnych celaŭ, takich jak viertaloty ci bieśpiłotniki, na adlehłaści ad 75 da 2500 m. Znachodzicca na ŭzbrajeńni armii ZŠA z 1996 hoda.
Čakajecca, što pieršyja kompleksy novaj partyi Litva atrymaje ŭ 2015 hodzie.
Taksama ŭ kastryčniku 2014 hoda Dziaržaŭny departament ZŠA rekamendavaŭ dazvolić prodaž STRK «Dževielin» Estonii.
