Na źmienu nizkabiudžetnaj avijakampanii «Dabralot», jakaja naležyć rasijskamu «Aerafłotu», pryjdzie novy łaŭkostar — «Pieramoha» («Pobieda»). U kancy lipienia «Dabralot» byŭ uniesieny ŭ sankcyjny śpis ES z-za maršrutaŭ u Krym, i ŭžo 4 žniŭnia byŭ vymušany cpynić paloty.
U bližejšy čas budzie zapuščany sajt avijapieravozčyka pobeda.aero.
U novuju kampaniju kiraŭnictvam «Aerafłota» byli pieradadzienyja dva Boeing-737, na jakich da sankcyj lotaŭ «Dabralot», i jakija časova znachodzilisia ŭ ekspłuatacyi daččynaj kampanii «Aerafłota» — «Arenburhskich avijalinijaŭ».
U siaredzinie kastryčnika paviedamlałasia, što «Pobieda» płanuje asvoić nizkabiudžetnyja paloty ŭ Surhut, Pierm, Jekaciarynburh, Ufu, Samaru, Kazań, Vałhahrad, Biełharad i Ciumień.
U aŭtorak, 28 kastryčnika, pradstaŭnik novaj avijakampanii adznačyŭ, što łaŭkostar budzie lotać pa maršrutach paciarpiełaha ad sankcyj «Dabralota». Ci budzie novy pieravozčyk brać kurs na Krym pakul nie paviedamlajecca.