Prakuraturaj Minskaj vobłaści sankcyjanavana źmiaščeńnie pad vartu byłoj śpiecyjalistki raźlikova-kasavaha centra filijała AAT «Biełahraprambank» adnaho z rajcentraŭ Mahiloŭskaj vobłaści.
Jak paviedamiŭ namieśnik prakurora Minskaj vobłaści Alaksandr Bialicki, padčas papiaredniaha śledstva ŭstanoŭlena, što žančyna, jakaja źjaŭlajecca materyjalna-adkaznaj asobaj, majučy namier kradziažu hrašovych srodkaŭ šlacham vykarystańnia kampjutarnaj techniki, u 2010—2011 hadach niezakonna, nie majučy prava aŭtaryzacyi na praviadzieńnie apieracyj z bankaŭskimi rachunkami, uvodziła ad imia ŭkładčykaŭ banka ŭ kampjutarnuju sistemu filijała zaviedama łžyvuju infarmacyju ab tym, što ŭkłady vykarystoŭvajucca ich trymalnikami. Ažyćciaviŭšy takim čynam fiktyŭnyja bankaŭskija apieracyi, rabotnica banka ŭkrała kala 35 młn rubloŭ, što na toj čas pa kursie Nacbanka składała bolš za 10 tysiač dołaraŭ ZŠA. Paśla abvinavačvanaja dla ŭtojvańnia ŭčynienych joju kradziažoŭ unosiła zaviedama łžyvyja źviestki ŭ raschodna-kasavyja ordery, robiačy ŭ ich podpisy ad imia ŭkładčyka, kantralora, adkaznaha vykanaŭca i kasira.
Paciarpiełymi pa kryminalnaj spravie źjaŭlajucca dziesiać vychavancaŭ miascovaj dapamožnaj škoły-internata dla dziaciej-sirot, jakija zastalisia biez apieki baćkoŭ, hrašovyja srodki jakich akumulavalisia na rachunkach u banku i byli vykradzienyja supracoŭnicaj bankaŭskaj ustanovy, jakaja mieła dostup da apieracyj z hetymi ŭkładami.
Byłoj rabotnicy Biełahraprambanka vystaŭlena abvinavačańnie ŭ kradziažy majomaści šlacham vykarystańnia kampjutarnaj techniki, učynienym u bujnym pamiery, i ŭ słužbovaj padrobcy, heta značyć va ŭčynieńni złačynstvaŭ, praduhledžanych č. 3 art. 212 UK i č. 1 art. 427 KK.
Papiaredniaje śledstva pa kryminalnaj spravie ažyćciaŭlajecca śledčym upraŭleńniem USK pa Minskaj vobłaści.
