Kampanija Google vypuściła prahramu Google Fit, z dapamohaj jakoj karystalnik moža sačyć za svaim zdaroŭjem i fizičnaj aktyŭnaściu. Ab hetym paviedamlajecca ŭ aficyjnym błohu Google.
Prahrama Google Fit była ŭpieršyniu anansavanaja na kanfierencyi Google I/O ŭ červieni. Ź siońniašniaha dnia karystalniki mohuć spampavać jaje biaspłatna z kramy Google Play dla pryład na płatformie Android 4.0 Ice Cream Sandwich i paźniejšych viersij.
Z dapamohaj sensaraŭ, ubudavanych u Android-smartfony abo pieranosnyja pryłady, servis aŭtamatyčna fiksuje, kali karystalnik chodzić, biehaje abo jedzie na rovary. Karystalnik moža ŭstalavać tyja ci inšyja fitnies-mety i adsočvać ich dasiahnieńnie.
Pa słovach raspracoŭščykaŭ, praviarać dadzienyja ŭ Google Fit možna nie tolki z Android-smartfonaŭ i pieranosnych pryład na Android Wear, ale taksama na kampjutarach praz veb-braŭzier i na płanšetach. Karystalnik moža padklučyć da płatformy inšyja fitnies-pryłady i prahramy — naprykład, Strava, Runtastic abo Runkeeper — i ich dadzienyja buduć intehravacca ŭ Google Fit.
Kantrol za fitnies-aktyŭnaściu pry dapamozie technałohij — adzin z trendaŭ rynku. Prahrama Health, jakaja taksama intehryruje dadzienyja roznych fitnies-servisaŭ, stała častkaj apieracyjnaj sistemy iOS 8 ad Apple. Padobnaje rašeńnie padtrymlivaje kampanija Samsung.
