Kampanija i-Store, jakaja źjaŭlajecca aficyjna pryznanym dystrybjutaram techniki Apple, 29 kastryčnika zajaviła na TUT.BY ab starcie biełaruskich prodažaŭ iPhone 6. Na nastupny dzień staronka smartfona źnikła z sajta kampanii, padzieju i-Store nie prakamientavaŭ. Dzie jašče možna kupić iPhone 6 i kolki jon budzie kaštavać?

Aficyjna kampanija Apple nie pradaje ŭ Biełarusi smartfony iPhone. Kampanija i-Store, aŭtaryzavanaja Apple jak «Premium Reseller», pradavała i pradaje płanšety iPad ci płejery iPod, ale šukać «ajfony» biełarusam dahetul treba ŭ inšych miescach.

Kampanii, jakija nie źjaŭlajucca «Premium Reseller» techniki Apple, mohuć lehalna pradavać iPhone, ale ich aparaty «zdabyvajucca» z-za miažy i nie pryznačanyja dla biełaruskaha rynku. Takija pradaŭcy mohuć davać harantyju, a harantyjnyja majsterni adramantujuć pahnuty smartfon, ale taki ramont moža być mieniej jakasnym, bolej doŭhim i darahim — ci naohuł nie adbycca. Jak pašancuje. Tym nie mieniej, biełarusy aktyŭna kuplajuć iPhone i naŭrad ci admoviacca ad spakusy «šaściorkaj».

Kupić «nieaficyjnyja» iPhone 6 možna ŭ šmatlikich biełaruskich internet-kramach, u tym liku na «ahrehatarach cenaŭ» kštałtu KUPI.TUT.BY, Catalog.Onliner.by ci Migom.by. Siarednija ceny na placoŭkach adroźnivajucca niaznačna, ale ŭ asobnych kramach mohuć być vyšej ci nižej za siaredniuju. Pradaŭcy nie paviedamlajuć u apisańni ab nadbaŭcy za «modny» załaty koler korpusu aparata, ale niaredka załacistyja iPhone kaštujuć daražej za šeryja.

Minimalnaja cana «maleńkaha» iPhone 6 z 16 Hb pamiaci składaje ad 9 młn rubloŭ albo prykładna $840 — 1,4 siaredniej zarpłaty biełarusa ŭ vieraśni. «Vialiki» iPhone 6 Plus ź minimalnymi 16 Hb pamiaci aceńvajuć minimum u 11,2 młn albo $1050. Samy darahi iPhone 6 Plus z 128 Hb pamiaci kaštuje ad 13,8 młn albo $1290, bolš za dźvie siarednich zarpłaty biełarusa.

Dla paraŭnańnia. U rasijskim Smalensku za iPhone 6 prosiać ad 32 tysiač rasijskich rubloŭ — $750. Ciahnik z Oršy da Smalenska kaštuje kala $20-25. Stolki ž kaštuje iPhone 6 na rasijskaj viersii aficyjnaha sajta Apple. U Łucku, što na ŭkrainskaj Vałyni, iPhone 6 možna znajści za 11 tysiač hryvień — $850. Samaja nizkaja cana na iPhone 6 u Vilni — 2300 litaŭ, albo kala $850. Jašče bolej za iPhone paprosiać u polskim Biełastoku — 2900 złotych albo kala $875. U ZŠA iPhone 6 biez kantrakta z apierataram kaštuje $649.

Na internet-placoŭkach nakštałt Ebay iPhone 6 z dastaŭkaj u Biełaruś pradajecca ŭ siaredniem ad $700. Ale ŭ takim razie jość niebiaśpieka atrymać niajakasny tavar ci padrobku. Viartać tavar na Ebay možna ciaham 14 dzion, hrošy harantujuć viarnuć, ale pra niaŭdałyja pakupki na Ebay raspaviadajuć roznyja historyi.

Budźcie pilnymi, kali bačycie padazrona nizkuju canu! Niadaŭna ŭ Rasii było vykrytaje machlarstva na miljony dalaraŭ: firma prapanoŭvała iPhone 6 za 20 tysiač rasijskich rubloŭ ($470), ale pakupniki, jakija ŭnieśli hrošy papiaednie, nie atrymali smartfony i nie zmahli viarnuć hrošy.

iPhone 6 i iPhone 6 Plus byli pradstaŭlenyja Apple 9 vieraśnia. Pa takich charaktarystykach, jak pamiery ekranaŭ, čas aŭtanomnaj raboty i charaktarystyki kamier, jany dahnali kankurentaŭ na Android. Prodažy čarhovaj viersii «ajfona» tradycyjna pabili rekord papiarednikaŭ. Ale pakupniki iPhone 6 narakajuć na niečakanuju prablemu: smartfony psujucca pry štodzionnym karystańni, jany mohuć pahnucca prosta ad našeńnia ŭ kišeni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?