Dla arhanizacyi biaśpieki na darohach Biełarusi ŭ vychadnyja dni Dziaržaŭtainśpiekcyja budzie pracavać va ŭzmocnienym režymie.
Jak paviedamlaje ŭpraŭleńnie DAI MUS, supracoŭniki aryjentavany na vyjaŭleńnie parušeńniaŭ praviłaŭ darožnaha ruchu, što ciahnuć najbolš ciažkija nastupstvy jak z boku vadzicielaŭ (kiravańnie ŭ stanie apjanieńnia, pieravyšeńnie chutkaści, vyjezd na sustrečnuju pałasu, ihnaravańnie ramianioŭ biaśpieki), tak i z boku piešachodaŭ (pierachod darohi ŭ nieŭstanoŭlenych miescach, znachodžańnie na prajeznaj častcy ŭ ciomny čas sutak bieź śviatłoadbivalnych elemientaŭ).
Z metaj efiektyŭnaha vyjaŭleńnia vadzicielaŭ u stanie apjanieńnia, biez pravoŭ i inšych parušalnikaŭ u rehijonach buduć praviedzieny kompleksnyja mierapryjemstvy «Filtr» z vykarystańniem aŭtamatyzavanaha kompleksu «Aŭtaŭrahan». Heta sistema dazvalaje, nie zatrymlivajučy transpartny patok, identyfikavać pa numarnych znakach aŭtamabili i vyjavić z dapamohaj bazy danych tyja, čyje ŭładalniki nie majuć prava kiravańnia transpartnymi srodkami abo byli pazbaŭleny paśviedčańniaŭ za surjoznyja ŭčynki za rulom, a taksama pazbaŭlenyja pravoŭ.
Śpiecpadraździaleńnie DPS «Strała» budzie adpracoŭvać Pružanski, Biarozaŭski, Kobrynski, Kličaŭski, Kiraŭski, Červieński, Kapylski i Uździenski rajony.
