Barysaŭskim rajonnym adździełam SK zaviedziena kryminalnaja sprava pa č. 3 art. 328 Kryminalnaha kodeksa (niezakonny abarot asabliva niebiaśpiečnaha psichatropnaha rečyva z metaj zbytu), paviedamlaje sajt Śledčaha kamiteta.
U chodzie apieratyŭna-vyšukovych mierapryjemstvaŭ supracoŭnikami ANiPTŁ Barysaŭskaha rajona zatrymany 19-hadovy niepracujučy minčanin. Padčas ahladu jaho aŭtamabila vyjaŭlena 200 hramaŭ reahienta asabliva niebiaśpiečnaha psichatropnaha rečyva alfa-PVP. Akramia taho, pry praviadzieńni dalejšych pravieračnych mierapryjemstvaŭ jašče 200 hramaŭ anałahičnaha rečyva było znojdziena ŭ schovancy ŭ Smalavickim rajonie. Małady čałaviek mieŭ namier zabrać jaho z metaj dalejšaha zbytu.
Padazravany zatrymany, raniej da kryminalnaj adkaznaści jon nie pryciahvaŭsia. Ciapier ź im pracujuć śledčyja.
U suviazi ź ciažkaściu ździejśnienaha złačynstva, vyrašajecca pytańnie ab užyvańni da padazravanaha miery strymańnia ŭ vyhladzie źmiaščeńnia pad vartu.