Adzin ź lidaraŭ «DNR» Alaksandr Baradaj raspavioŭ, što rasijskaha aficera Ihara Strałkova adchilili ad spraŭ, bo jon vyčarpaŭ svaje mahčymaści.
Pra heta Baradaj raspavioŭ u intervju rasijskamu telekanału Dožd́.
«Kali jaho niechta syšoŭ, to ja, u pryvatnaści, jaho i syšoŭ. Bo jon vyčarpaŭ svaju rolu i mahčymaści. Jon hieroj, ździejśniŭ podźvih, ale dalej jon «Danieckaj respublicy» nie patrebien i nie karysny», — padkreśliŭ Baradaj.
Paźniej pradstaŭnik «DNR» raspavioŭ, što ŭsie vykazvańni Strałkova jon nie padtrymlivaŭ i ŭ cełym ź im nie salidarny. Ale krytykavać i asudžać jaho nie staŭ.
«Strałkoŭ sprabavaŭ stać palityčnym lidaram, ale hetaja rola jamu pasuje jamu tak ža, jak pačka baleryny. Jon u hetym naohuł ničoha nie razumieje», — padkreśliŭ Baradaj.
