Polski pasoł Lešak Šarepka 13 listapada na pres-kanfierencyi adznačyŭ, što pasolstvu vydzieleny ŭčastak ziamli na Staravilenskim trakcie ŭ Minsku, ale budaŭnictva «znachodzicca na pačatkovym etapie».
Pasoł rastłumačyŭ, što, u pryvatnaści, byli prablemy z atrymańniem numara rachunku, na jaki polski bok pavinien pieravieści hrošy ŭ jakaści kampiensacyi za drevy, što daviadziecca vysiečy pry budaŭnictvie.
Šarepka ŭdakładniŭ, što ŭžo zavieršany konkurs na prajekt budynka. «Prajekt u nas užo jość, možna pačynać budavać, — skazaŭ jon. — Ale ciapier treba rabić konkurs dla vybaru hienieralnaha zabudoŭščyka. I tut uźnikajuć pytańni, jak dziejničać, vykonvajučy i polskija, i biełaruskija zakony».
Polskaje pasolstva aranduje ofis u biźnies-centry na vulicy Biaduli.
