marca.es
Zbornaja Biełarusi pa futbole paciarpieła treciuju zapar parazu ŭ čatyroch matčach adboračnaha turniru čempijanatu Jeŭropy 2016 hoda.
15 listapada padapiečnyja Andreja Zyhmantoviča (heta byŭ jaho pieršy matč na čale zbornaj) prajhrali Ispanii ź likam 0:3 (Iska, 18, Buskiets, 19, Piedra Radryhies, 55).
Matč prajšoŭ u horadzie Uelva (Andałusija), na stadyjonie, dzie hulaje kamandy «siekundy» (druhoha dyvizijona) «Rekreatyva».
Nahadajem, što biełarusy paśla dosyć badzioraj haściavoj ničyi ź Luksiemburham — 1:1, trojčy prajhrali: doma Ukrainie (0:2) i Słavakii (1:3), a ciapier u haściach Ispanii — 0:3.
Siońnia Ukraina pieramahła ŭ haściach Luksiemburh (3:0, chiet-tryk Andreja Jarmolenki — 33, 53, 56), a Słavakija vyjhrała ŭ haściach u Makiedonii (2:0 — Kucka, 25, Niemiec, 38).
Paśla 4-ch turaŭ: Słavakija — 12, Ispanija, Ukraina — 9, Makiedonija — 3, Biełaruś, Luksiemburh — 1.
Nastupny matč Biełaruś praviadzie ŭ haściach suprać Makiedonii (27 sakavika 2015 h.),
14 červienia — matč doma ź Ispanijaj, 5 vieraśnia — Ukraina (hości), 8 vieraśnia — Luksiemburh (doma), 9 kastryčnika — Słavakija (hości), 12 kastryčnika — Makiedonija (doma).
U finalnuju stadyju Jeŭra-2016 vychodzić napramuju dźvie kamandy. Kamanda, što finišuje treciaj, budzie hulać u stykavych matčach.
U aŭtorak, 18 listapada, zbornaja Biełarusi na «Barysaŭ-Arenie» zhulaje tavaryski matč sa zbornaj Mieksiki.