archiŭnaje fota Vadzima Zamiroŭskaha, Tut.by
Paśla šaści parazaŭ na starcie i zamieny hałoŭnaha treniera na Ihara Hryščuka baskietbalisty kłuba «Cmoki-Minsk» atrymali narešcie pieršuju pieramohu ŭ turniry siezona 2014/2015 Adzinaj lihi VTB (Adkryty čempijanat Rasii).
Siońnia ŭ Krasnajarsku «Cmoki» vyrvali pieramohu ŭ «Jenisieja» ź likam 94:88. U chodzie matču biełarusy prajhravali z roźnicaj u minus 14 bałaŭ. Najlepšym u «Cmokaŭ» byŭ Branka Mirkavič — 25 bałaŭ.
Cikava, što ŭ Adzinaj lizie VTB minčuki apošni raz pieramahali roŭna hod tamu, 17 listapada, kali na «Minsk-Arenie» vyjhrali ŭ «Astany» ź likam 82:68.
U sieradu «Cmoki» zhulajuć z «Jenisiejem» u turniry Jeŭračelendž, 23 listapada — matč u haściach (turnir VTB) suprać češskaha «Nimburka»,
26 listapada — hulnia ŭ Minsku suprać tureckaha «Ušaka» (Jeŭračelendž).
U turniry Adzinaja liha VTB biaruć udzieł 16 kłubaŭ, pieravažna rasijskich (+ pa adnoj kamandzie z Estonii, Finlandyi, Łatvii, Kazachstana, Čechii i Biełarusi). Kłuby zhulajuć pamiž saboj u dva koły (pa 30 hulniaŭ).
Nastupny matč u turniry VTB na «Minsk-Arenie» praviaduć tolki 10 studzienia 2015 h. A pakul šeść matčaŭ u haściach.
